ەۋرازيالىق ەكونوميكالىق وداق اياسىندا ورتاق ۆاليۋتانى اينالىمعا ەنگىزۋ تۋرالى باستامانىڭ بولاشاعى جوق. بۇل تۋرالى ۇلتتىق كاسىپكەرلەر پالاتاسىنىڭ ءتوراعا ورىنباسارى راقىم وشاقبايەۆ مالىمدەمە جاساعان. ۇكپ ورىنباسارى وشاقبايەۆتىڭ ايتۋىنشا، ەاەو قۇرىلعان كەزدە، ءۇش جاقتى كەلىسىمشارت جاسالعان. ول كەلىسىمدەردە ورتاق ۆاليۋتا ەنگىزۋ تۋرالى ءسوز قوزعالماعان. سونداي-اق، وشاقبايەۆ مىرزا، ورتاق ۆاليۋتا قىسقا نەمەسە ۇزاق مەرزىمدە ەنگىزىلەتىن بولسا، قازاقستان ەكونوميكاسىنىڭ پەرسپەكتيۆاسى تومەندەيتىنىن. ياعني، ەكونوميكا ءارى قاراي ءوزىنىڭ دامۋىن توقتاتاتىنىن ايتقان.
""مەملەكەت باسشىسى ءوزىنىڭ سوزىندە، ەاەو - بۇل ساياسي وداق ەمەس، ەكونوميكالىق وداق"، دەپ ناقتىلاپ ءتۇسىندىرىپ بەرگەن. سوندىقتان بۇل ناۋقاندىق ماسەلە توڭىرەگىندە شەكتەلەدى، بۇل بايانى جوق اڭگىمە دەپ ەسەپتەيمىن. سونداي-اق، كوپتەگەن ساراپشىلار، ءبىزدىڭ وداق اياسىندا ورتاق ۆاليۋتاعا كوشۋگە دايىن ەمەس ەكەنىمىزدى ايتىپ دابىل قاعۋدا. ورتاق ۆاليۋتا - بۇل ينتەگراسيانىڭ ەڭ جوعارعى شەگىندە بولۋى ءتيىس. ءبىز اۋەلدە، ماكروەكونوميكالىق، قارجىلاي-نەسيەلىك ت.ب. ماسەلەلەرىمىزدى رەتكە كەلتىرىپ الماي جاتىپ، ورتاق ۆاليۋتا تۋرالى ءسوز قوزعاۋدىڭ ءوزى ابەستىك. سوندىقتان، مەن ەاەو اياسىندا ورتاق ۆاليۋتا ەنگىزۋگە، قازاقستاننىڭ سول ورتاق ۆاليۋتاعا كوشۋىنە تۇبەگەيلى قارسىمىن"،-دەگەن وشاقبايەۆ مىرزا.
ەستەرىڭىزدە بولسا، رەسەي فەدەراسياسى پرەزيدەنتى ۆ.پۋتين استانادا وتكەن ەاەو باسشىلارى كەزدەسۋىندە وداق اياسىندا ورتاق ۆاليۋتالىق وداق قۇرۋ تۋرالى باستاما كوتەرگەن بولاتىن. سونداي-اق، پۋتين، وداققا مۇشە ءۇش ەل يىق تىرەسىپ جۇمىس ىستەگەندە عانا جاھاندىق داعدارىستار مەن ەكونوميكالىق قاتەرلەردەن ورتاق نارىقتى امان ساقتاپ قالۋعا بولاتىنىن ايتقان.
نۇرزات توعجان
